Feature,Olje

Seismikkskyting, kostnad og miljø

800px-Fugro_vessel_Geo_Pacific

Seismikkskipet Geo Pacific som oppererer utanfor Vesterålen no. Her ved kai i Bergen i september 2007. Foto: Wikipedia Commons/Brukar:Arsenikk

Fiskeri og havbruksnæringas landsforbund (FHL) og Fiskekjøperes forening vil ha erstatning frå staten på grunn av seismikkskytinga utanfor Vesterålen. Dei meiner det er urettvist at berre fiskarane får erstatning. Nordlys skriv om det her og her. Desse krava stiller oss overfor fleire viktige spørsmål.

1. Kjenner vi dei reelle økonomiske konsekvensane for næringa og kystsamfunna av den seismikkskytinga som foregår?

2. Gjer desse organisasjonane ein god jobb for å kjempe mot oljeutvinning og seismikkskyting eller vil dei heller ha erstatning?

og

3. Bør dei få erstatning?

For å ta det første først. Svaret er nei, ingen tør seie kva det faktisk vil koste i tap for fiskerinæringa og dei fiskeriavhengige kystsamfunna. Seismikkskytinga er berre første steg i retning av ei oljeutvinning. Når FHL seier til Nordlys at:

For Vesterålen alene viste statistikken en nedgang i leveransene av sei fra 907 tonn i 2007 til 372 tonn i 2008. Også for kveite og alle andre fiskeslag var nedgangen betydelig, sier Ystmark. – Og legger til: Ja, vi mener helt klart at seismikkskytingen er hovedårsaken til nedgangen fordi fisken ble skremt vekk fra feltene. Landingsstatistikken for havfiskeflaten viser nesten ingen endringer fra 2007 til 2008. Det fordi havfiskeflåten kan ta fangst langt borte fra områdene hvor det skytes, sier Ystmark.

Dette er berre begynnelsen på dei tapa alle som ikkje tener pengar på olja må ta for at vi skal kunne fortsette å øydelegge miljøet. Dette må vi stoppe no.

Det andre er vanskelegare å svare på. Det vi veit at NHO (der FHL er medlem) er ein av dei ivrigaste pådrivarane for oljeutvinning utanfor kysten av Lofoten, Vesterålen og Senja. Det kan då vere rimeleg å utfordre FHL på kva dei har gjort for å få ei endring i NHO på dette området? Kanskje burde NHO vere med å betale den erstatninga som FHL krev?

Det tredje er enkelt, sjølvsagt bør dei få erstatning. Eigentleg burde vi ikkje halde på med denne seismikkskytinga, men når vi gjer det må vi og betale dei reelle kostandene med skytinga.

Hilde-Gunn seier det godt på sin blogg:

Hovedfokuset må fortsatt være å få politikerne til å snu hodene bort fra gassgrillen – og satse på å finne bærekraftige energikilder istedet.

Eg er samd, og ein artikkel i Teknisk Ukeblad viser til at vi på langt nær veit nok om korleis seismikk påverkar fisken. Då kan ikkje eit av dei viktigaste fiskefelta i Noreg vere rett plass å eksperimentere på?

Men kanskje viser denne artikkelen i Klassekampen litt av grunnen til at det er blitt som det er. I følge Klassekampen har mange sentrale tillitsvalde i Fiskarlaget store interessar i oljenæringa. Då kan ein jo spørre seg kva herre dei tener?

Det er i alle fall ingen tvil om kva parti du må stemme på til hausten om du vil ha stopp i oljekåtskapen, det må bli SV. Berre eit sterkt SV i ei raud-grønn regjering kan hindre oljeboring utanfor Lofoten, Vesterålen og Senja. Det er einaste måten å unngå at Ap, H og Frp danner fleirtal på Stortinget for å opne opp områda.

Standard
Twitter,Uncategorized

Mine kvitter denne veka

  • RT @RuneHegge: http://bit.ly/13ld6q SV er fagbevegelsens beste venn i 2009! #
  • Ny bloggpost, korfor som video? Sjå så får du svar. "Sykkelmotor, klikkpedalar og litt skatt" http://bit.ly/xn7Q7 #
  • @Jarle_H Takk for det, og du skal ikkje sjå bort frå at det blir fleire videobloggar in reply to Jarle_H #
  • Første konfrontasjon mellom seismikkskip og fiskebåt. Heia fiskarane! http://bit.ly/14urML #
  • Har hatt spennande møter med studiesntr på Finnsnes og studiesenteret.no Kompetanse er framtida for Troms .Spennande og engasjerte folk #
  • Sommaren i Salangen tar slutt i morgon. Digital undervisning kan og ha noko for seg. Ikkje lite i eit blogginnlegg? http://bit.ly/M2PEO #

Powered by Twitter Tools.

Standard
Feature,Ikkje politikk,Skole

Sluttar sommaren i morgon? Då kan vi studere digitalt

I Salangen tar sommaren slutt i morgon.

I Salangen tar sommaren slutt i morgon

Eg veit ikkje om det er pessimisme eller ganske enkelt realisme som ligg til grunn for at næringsforeininga i Salangen slår fast at sommaren varer frå 28. juni til femte juli. I alle fall blir alle som kjem til Sjøvegan langs RV84 frå Sørreisa møtt med eit skilt som seier: «Sommer i Salangen 28.juni – 5.juli»

På sett og vis er det befriande at folk har så små håp for sommaren. Sjølv har eg enno trua på at det blir mange fine dagar både i juli og august.

I Salangen tar sommaren slutt i morgon.Det er fleire grunnar til at eg har besøkt Salangen medan det enno er sommar der. Den viktigaste denne gongen er at eg har hatt eit møte med studiesenteret.no og ordførarane i Salangen, Ibestad og Lavangen om eit prosjekt som heiter «Kompetanseløft Astafjord» som fylkeskommunen har vore med å finansiert. Dette har ført til at kommunane har bygd og digitale studiesenter og no er dei interessert i om vi kan prøve å vidaregåande utdanning flytta ut i desse kommunane ved hjelp av ny teknologi. Dette er spennande og noko eg gjerne vil bidra til å få til.

Samstundes hadde eg eit møte med Astrid Høgmo i prosjektet «Bygdeskolen». Det er eit nyskapande samarbeid mellom distriktsskolar i Tromsø, Torsken, Berg og Gratangen. Ved å bruke teknologiske hjelpemiddel deler dei på kompetansen og lærarane. Det fungerer. Skolane får eit breiare tilbod, du får eit større kollegium, og det er ikkje dyrt. Tvert i mot kan det vere pengar å spare. Eg skal prøve å skrive meir om dette på bloggen seinare.

Ellers, for die av dykk som lurer, handa er ikkje heilt god enno, men eg får til å skrive. Og, no er det sommerferie, og bloggen får ikkje merksemd frå meg kvar dag – om ikkje vêret blir riktig ille.

Standard