USA betre enn Noreg på klima

Dette biletet frå Athabasca i Alberta viser eit lite utsnitt av øydeleggingane utvinning av oljesand utset naturen for. Det øverste biletet er frå 1984, det nederste frå 2011. Foto: NASA Earth Observatory

Det er ganske utruleg, men dessverre sant. Der norske styresmakter ikkje legg seg opp i at Statoil utvinn den mest klimaøydeleggande olja i verda frå sand i Canada, har president Obama sagt nei til ei røyrledning som skal føre denne olja til den amerikanske marknaden.

Prosjektet gjeld Keystone XL som skulle føre olje frå sandbankane i Alberta til raffineria ved Mexicogolfen. Det har blitt ført ein lang kamp frå miljørørsla i USA som no er krona med siger – i alle fall i første omgang.

Tilbake i oljelandet så kunne eg inderleg ønska meg ein oljeminister som hadde tilnærma same guts og ståpåvilje som næringsministeren. Det hadde vore fantastisk om Ole Borten Moe kunne gje tydelege styringssignal til Statoil om at Norge ikkje skulle bidra til utvinning av oljesand, om det skjer på SMS, uformelt eller formelt er ikkje så viktig. Det viktige er at det skjer.

Det er ganske paradoksalt at vi øydelegg framtida for å tene pengar som vi skal spare for framtida.

Les meir om Keystone her

 

 

 

 

3 Replies to “USA betre enn Noreg på klima”

  1. Er det virkelig slik at USA er bedre enn Norge på klima? At Obama setter en stopper for rørledningen, betyr ikke at USA har kuttet ned på noe utslipp. Det er mer interessant å se hvilke tiltak Obama gjør i USA. Gjør Norge noen tiltak? Hvordan går det med «månelandinga» på Mongstad? Kanskje Norge og USA er like dårlige? 

    1. Nei, slik er det ikkje. Det var eit forsøk frå mi side på vise kor famlande og feigt. Noreg oppfører seg med omsyn til oljesand.

  2. Redaksjonen sa:

    Hei!
    Vi har linket til dette innlegget fra den politiske bloggportalen http://bloggeriet.no Håper det er OK!
    Hilsen Elisabeth på Bloggeriet

Eg vil gjerne høyre kva du tenkjer.