Politikk

Brøytinga i Tromsø

No når vi har fått det siste snøfallet litt på avstand, og ser tilbake på ein vinter med lite snø så langt, så kan det kanskje vere på sin plass å diskutere om brøytinga i Tromsø er bra nok.

Her er innlegget som videoblogg om du føretrekk det:

Eg skal vere den første til å nemne at dette med brøyting sjølvsagt heng saman med budsjett og pengar. Kommunene har meir enn nok å bruke pengar på, slik at denne diskusjonen sjølvsagt i hovudsak må handle om prioritering. Kva skal brøytast først og sist. Det er og slik at det til tider kjem ganske mykje snø i løpet av kort tid. Då vil det alltid vere slik at ikkje alt kan vere like godt brøyta til ei kvar tid.

I dag har vi følgjande hovudprioriteringar på Tromsø kommune sine vegar:

  1. Hovudvegar/bussvegar
  2. Gang og sykkelvegar
  3. Øvrige vegar

Også er det slik at brøytinga er delt opp i ulike roder, slik at ting kan vere ferdige i eit område før det er ferdig hos andre.

Eg bur på Mortensnes og her er brøytinga ganske god med unntak av fortaua. Noko dette bildet viser:

Men poenget er, eg vil gjerne vite korleis du opplever brøytinga der du er. Er prioriteringa rett? Korleis er fortaua hos deg, blir dei snølager eller er det fint å gå i løpet av vinteren?

For kanskje er det det eg lurer mest på, er det ofte du som gåande blir “tvungen” ut i vegbanen fordi fortaua ikkje er brøyta godt nok?

Kom med dine tankar, anten her i kommentarfeltet eller på facebook.

Vil du få beskjed neste gong eg skriv på denne bloggen?

Skriv inn epostadressa di og trykk abonner

Standard

Eg vil gjerne høyre kva du tenkjer.