Eg veit ikkje heilt korfor det skrantar, men akkurat no verkar det nordnorske samarbeidet å fungere akkurat som når ungane helst vil leike med den same leiken samtidig. La meg berre seie, det er sjeldan den konflikta blir løyst gjennom dialog. Det verkar heller ikkje som om Nordland og Troms får til ein dialog. Kanskje fordi dei begge vil leike med same leiken? Eller er det fordi det er dårleg personkjemi mellom fylkesrådesleiarane, begge frå Ap, slik det blir spekulert i media?
Eg veit ikkje, men eg er heilt sikker på om at lar vi det nordnorske samarbeidet rakne, så mistar vi noko verdfullt.
For mange av oss er samarbeidet i nord viktig. Det at vi i oNrd-Noreg står saman er viktig både for å halde ved like ein nordnorsk identitet og for å få gjennomslag i mange saker.
Nord-Noreg står framfor mange store og felles utfordringar:
- Ny nasjonal transportplan
- Ny langtidsmelding for forsvaret
- Vidareutvikling av nordområdepolitikken
- Auka skipsfart med utfordringar knytt til beredskap, redning og tryggleik
- Vekst og utvikling i bergverksnæringa
- Størst muleg utbytte av den petroleumsverksemda som dessverre kjem
For berre å nemne nokre få døme
Skal vi få gjennomslag på desse områda på ting som er viktige for Troms o glandsdelen treng vi allierte, vi treng vennar og vi treng folk å gjere felles sak med. Det er derfor skremmande å lese i media at det nordnorske samarbeidet gjennom LU kan vere i ferd med å kollapse
Vi kan ikkje og må ikkje stille oss i ein situasjon der vi øydelegg det nordnorske samarbeidet gjennom LU, og generelt øydelegg det nordnorske samarbeidsklimaet. I media kan det fremstå som ei intern ueinigheit mellom dei to AP-fylkesrådsledarane i nord. Å sette heile det langvarige nord-norske samarbeidet i spill over slike konfliktar er ikkje verken framtidsretta eller klokt.
På neste fylkesting kjem eg til å ta opp denne saka i ein interpellasjon. Eg kjem derfor spørre fylkesrådsleiar Pia Svendsgaard:
- Kva grep meiner fylkesrådet vi no må ta for å unngå kollaps i det nordnorske samarbeidet?
- Korfor er det ikkje muleg å finne gode kompromiss i LU?
- Korleis ser fylkesrådet for seg at det nordnorske samarbeidet reelt skal organiserast dersom Troms trekk seg ut av LU?
Kom gjerne med innspel i kommentarfeltet, både til argumentasjon og spørsmålsstilling.
Fint at du er med på å skape debatt. Tror det kan være lurt at også fiskeri nevnes. Her er store utfordringer. Vi må være sterke pådrivere for å la politikerne styre utviklinga i nord, ikke kapitalen. Det hjelper da at vi er mange.
Lisbeth Isaksen
2.kandidat fylkestingslista
Finnmark SV
Fiskeri er eit område der LU har gjort ein god jobb, skal ta det med i interpellasjonsdebatten