La oss bygge drivhus på Prostneset!

OK, det er sikkert ein vill ide, men hadde det ikkje vore ufatteleg kult med drivhus på Prosteneset? Ein grøn park med ute(inne)servering året rundt? Det er sikkert dyrt og vanskeleg, men i ein vinterby som Tromsø, der vinteren skiftar farge mellom kvit, grå og grønn og brun hadde det ikkje vore fantastisk med eit felles uterom i sentrum der plenen var grøn nesten heile året?

Det er ikkje mange dagar kvart år det verkeleg er kos å sitte ute i ein park i Tromsø. Kanskje burde vi unna oss eit felles offentleg uteareal som ikkje var prisgjeven humøret til vêrgudane? Bilde er henta frå forprosjektet til Prostneset Park.

Eg tenkjer ikkje på eit kjedeleg glasshus sånn som dei har i Bodø, men eit glasshus som gjev utsyn over sundet og fjella. Der vi kan ta av oss jakka allereie i mars, drikke ein kaffe medan ungane leikar, graset spirar og vi irriterer oss over at dei er litt for høglytte ved nabobordet. Kanskje spelar ungane  fotball, eller det skal ein kanskje ikkje gjere i glasshus? I alle fall klatrar dei i stativ og tre, spring på plenen og har det moro.  I drivhuset kunne det vore benkar, bord og sjakkspel. Alt det vi ønskar oss av ein park.

Eg prøvde å teikne ei skisse av korleis det kunne sjå ut, men eg er like flink til å teikne som ein skiftnøkkel er til å svømme, så eg har ikkje noko anna bilde av dette enn det som er i hovudet mitt. Men det er bra fint!

Eg aner ikkje om det er mogleg. Kan ein bygge så stort i glass? Vil snøen skape store problem? Blir det vanvittig dyrt? Eg aner ikkje, men kult for byen ville det blitt. Eg trur det ville vore noko som verkeleg trakk fleire til byen.

3 Replies to “La oss bygge drivhus på Prostneset!”

  1. Stein valkoinen sa:

    Vi har jo fjernvarme her i byen så oppvarmingen skulle vel være i orden 🙂
    Må ellers si at jeg liker ideen, men har heller ikke peiling på hvor realistisk det er. Dog ville det jo blitt et signalbygg og en turistmagnet. Altså ikke bare for befolkningen som bor her.
    Med tanke på alle turistene som kommer nå så bør dem jo få noen nye tilbud om vi skal holde på dem mer enn i to-tre år til.

    1. Vi har jo òg straum til oppvarming. Uavhengig av kjelde vil det jo bruke energi, for øvrig godt poeng.

  2. liv marie austrem sa:

    🙂

Legg att eit svar

Epostadressa di blir ikkje synleg. Påkravde felt er merka *

Exit mobile version