Stakkevollvegen er ei utfordring

Stakkevollveg og skytebane i utvalsmøtet

Stakkevollvegen er nok den viktigaste saka som skal opp i Miljø, klima og samferdselsutvalet på torsdag.

Det er to ulike saker vi skal handsame. Det eine er sjølve reguleringsplanen. Reguleringsplanen er på mange måtar svært enkel. Den regulerer ei vegbreidde på 19,5 meter frå Hansjordnesbukta til rundkøyringa ved Tverrforbinndelsen. Reguleringsplanen fastset ikkje korleis desse 19,5 metrane skal brukast. Altså det at vi vedtar reguleringsplanen avgjer ikkje om det blir fire eller tre felt, eller korleis tilhøva blir for dei som går og syklar.

Den andre saka om Stakkevollvegen seier noko om kva type veg vi skal bygge. Den saka er eit svar på vedtaket kommunestyret gjorde om firefeltsveg. (Noko eg synst var eit dårleg vedtak). Saka viser at vegen vil koste 500 millionar, reelt 400 millionar fordi vi får momsen tilbake. Men, vi har berre 250 millionar vi kan bruke på denne vegen. Det er dei oppsparte midla frå drivstoffavgifta pluss inntektane frå denne dei neste tre åra som gjev summen 250 millionar. Dette er pengar vi ikkje har lov å bruke til andre ting enn Stakkevollvegen på grunn av vedtak i Stortinget.

Eg meiner det er for mange utfordringar med firefeltsveg, og at vi må tenke nøye gjennom det prosjektet. Dette er hovudinnvendingane mine mot firefeltsprosjektet:

  • Det blir ikkje noko god løysning for dei som skal sykle langs vegen.
  • Det er ikkje rom til snødeponi noko som vil gjere vintervedlikehaldet dyrt og vanskeleg
  • Det blir ikkje noko bygate. Det er ikkje rom for rabattar, tre eller liknande. Det blir rett og slett stygt og ikkje eit bidrag til å lage noko som vil gje bulyst.
  • Det går ein tunnell paralelt med vegen. Det betyr at vi ikkje treng legge til rette for gjennomgangstrafikk på Stakkevollvegen.

Uansett. Nøyaktig korleis vegen skal sjå ut må vi komme tilbake til.

Skytebane i Tromsø

Vi har vel jobba med å finne plass til ein skytebane i Tromsø omtrent like lenge som vi har jobba med å få på plass E8. Eg håper at begge delar skal komme på plass om ikkje så alt for lenge. I denne saka har skytebaneutvalet kome med to framlegg. Det eine er eit sentralskyteanlegg på Langmoen på Brevikeidet, alternativt ei desentralisert løysning der dei ulike skyteidrettane er på ulike stader i kommunen.

Det er ein del utfordringar med Langmoen som gjer at eg synst det er for tidleg å konkludere med at vi kan legge skytebanen der. Men, det er også for tidleg å avvise forslaget. Eit desentralisert anlegg har sine eigne utfordringar, kanskje spesielt fordi det betyr at skytinga i Kjoselvdalen vil halde fram. Eg tenkjer derfor at det er lurt å undersøke litt grundigare om det er mogleg å få til eit anlegg på Langmoen før vi konkluderer.

Innspel Nasjonal transportplan

Innspelet til revisjon av NTP ser i all hovudsak greitt ut. Det viktigaste er at vi er tydelege frå Tromsø kommune på at jernbane er prioritert svært høgt av oss. Eg er litt meir i tvil om det er fornuftig og naudsynt å gå inn for forlenging av rullebanen på Tromsø lufthavn. Utviding av terminalbygget og oppstillingsplassar for fly er viktig, men i eit miljøperspektiv er eg i tvil om vi bør utvide rullebanen for å kunne ta i mot større fly.

Dei fleste av desse sakne skal vidare til kommunestyret, så kom gjerne med innspel heilt fram til kommunestyremøtet.

Saksliste

Saksnr Saksdok Vedtak Vedlegg
Behandling av utvalgssak 0003/20 Valg av styrer, råd og utvalg som oppnevnes av Miljø-, klima- og samferdselsutvalget Vedlegg (1)
Behandling av utvalgssak 0004/20 Plan 1821 Stakkevollvegen reguleringsplan Vedlegg (17)
Behandling av utvalgssak 0005/20 TP3 Stakkevollvegen – Orientering om kostnader og byggetid Vedlegg (1)
Behandling av utvalgssak 0006/20 Skytebaneutvalgets anbefaling til kommunestyret
Behandling av utvalgssak 0007/20 Tromsø kommunes innspill til revisjon av Nasjonal transportplan 2022-2033 Vedlegg (2)

Eg vil gjerne høyre kva du tenkjer.

This Post Has 3 Comments

  1. Johan Robertsen

    Hei Pål! Jeg støtter dine vurderinger i omtalte saker. Mvh. Johan Robertsen

  2. Eric Edelsteen

    Å anlegge et skytebaneanlegg på Langmoen er hinsides all fornuft. Skytebaneutvalget har ikke gjort en fantastisk jobb.
    Tromsø kommunes administrasjon, kommunedirektøren, Kommune- og byutviklingsutvalget, kultur,- idretts- og friluftsutvalget, miljø,- klima,- og samferdselsutvalget har alle som en stemt ned planen om å etablere et skytebaneanlegg i uberørt natur i Tromsø kommunes eneste KULA-minne(Kulturhistoriske landskap av nasjonal interesse). I tillegg er Langmoen et viktig område for kalving av rein og elg. Hele Langmoen er i LNFR-område med spesiell hensynssone for reindrifta. Reindrifta har trekk- og lede-leier på Langmoen, og da skal området vernes, ikke sant? Vassdraget på begge sider av Langmoen er fredet. Breivikeidet er et av områdene Tromsø kommune har øremerket for turisme. Det er både bærekraftig og skånsomt mot naturen, og kan ikke kombineres med et skytebaneanlegg. De bratteste fjellene i kommunen er der skytebaneutvalget ville ha banene. Det er helt umulig å dempe skytebanestøyen her. Tromsø kommune bør inngå et interkommunalt samarbeid med Balsfjord kommune og oppruste skytebanen i Lakselvdalen, evt oppruste Kjoselvdalen og Straumsbukta. Alle eksisterende baner i kommunen er godkjente velfungerende baner, og da ødelegger man ikke natur for å lage et skytebaneanlegg vi ikke trenger.
    SV har vært et uredd og miljøbevisst parti i Tromsø.
    Det bør SV fortsette å være. SV bør stemme ned planen om et skytebaneanlegg her.
    Mvh
    Eric Edelsteen