Fersk fisk har det travelt – men kjøletransporten går ikkje

eller «Ei soge om kapitalismen i eit høgrestyrt Noreg»

I Tromsø har vi fleire fine bedrifter som lager mat. Det er fisk og kjøtt av mange og velsmakande slag. Det som er felles for produkta dei lager er at dei må vere kalde. Mange av produkta har kort haldbarheit og vi vil helst at dei skal vare så lenge som mogleg. Derfor er kjøle- og frysetransport ein absolutt føresetnad for at desse bedriftene skal kunne få produkta sine ut i butikkane slik at eg og du kan kjøpe dei.

I Noreg har vi og ei bedrift som heiter Posten. Denne bedrifta eig vi alle i lag. Posten hadde eit dotterselskap, Bring frigo som køyrde kjøle- og frysetransportar i heile landet. Dette transportnettverket gjorde det mogleg for andre bedrifter å bygge seg opp og å nå ut til marknaden. Bring frigo skapte verdiar for det norske samfunnet. Dessverre gjekk ikkje Bring frigo sjølv med oveskott. Posten tapte ca 70 millionar i året på Bring frigo. Derfor bestemte Posten seg for å selge. 

Dei som kjøpte var naturleg nok ikkje interessert i å tape pengar. Dei kjøpte for å tene pengar. Korleis skulle dei gjere det. Jau det dei gjer er at dei reduserer kor ofte dei køyrer. I staden for å køyre fem gonger i veka mellom Tromsø og Alta reduserte dei til to gonger i veka. Dette er heilt naturleg for ei privat bedrift. Dei driv ikkje for å tilrettelegge for at vi skal få gode matvarer i butikkane våre, dei driv for å tene pengar. Den eine av desse turane går på fredag, det betyr at varane ikkje er i butikken før på måndag. Det er ganske lang tid for eit fersk fiskeprodukt.

Konsekvensen av at vi ikkje i fellesskap lenger tar ansvar for å sørge for at det er eit godt transporttilbod er store problem for andre bedrifter. I dette tilfellet matprodusentar i Tromsø.

Næringsforeininga i Tromsø har tatt kontakt med oss politikarar i Tromsø om denne problemstillinga. Bildet er frå møtet der eg saman med Marlene Bråthen og Mats Hegg Jakobsen frå Sp vart informert frå Karls fisk og skalldyr, Næringsforeininga og Domstein – med passeleg koronaavstand.

Eg har på mi side tatt kontakt med SVs politikarar på Stortinget. Dette er noko vi må løyse i fellesskap. Eg trur det er heilt naudsynt at slik vi kjøper transporttenester for fly og båt så må vi og gjere det for å sikre varetransporten, spesielt i område av landet der marknaden åleine ikkje maktar å løyse dette.

Denne saka illustrerer kva som skjer når ein organisasjon som vi har opprette for å sikre transport av brev, pakkar og varer i heile landet, nemleg posten, blir meir opptatt av å tene pengar enn å tene samfunnet. Ja, Bring frigo gjekk med underskott, men Bring frigo mogleggjorde stor verdiskaping i mange andre bedrifter.

Denne verdiskapinga står no i fare.

Kanskje vi burde finne opp ei ordning der vi saman kunne spleisa på grunnleggande infrastruktur i dette landet. Vi kunne kanskje kalla denne ordninga stat, fylke eller kommune?

Dette innlegget har ommentarar.

  1. Liv Marie Austrem

    Riktig, og klar tale.

  2. Dag Mosesen

    Hei.
    Takk for at du ser alvoret i denne situasjonen og prøver å gjøre noe med den.
    Dessverre vil ikke noe bedre seg før vi tar tilbake de ekte spleiselagene/dugnadene som gjør landet verd å leve i.
    Posten bør få enerett på småpakker og brev og reorganiseres slik at «lønnsom» drift subsidierer de ulønnsomme men nødvendige delene av driften.
    Som du selv påpeker, ulønnsom kjøletransport i Bring gir verdiskapning hele landsdelen. Ganske pussig at en regjering som jobber for å gi det private næringslivet gode vilkår, ofte på bekostning av skattebetalerne, ødelegger for disse. Kan avstanden til Oslogryta og Høires totale kollaps i Nord-Norge ha betydning?
    Mvh
    DagM

  3. Kanskje, men det har nok og amanheng med krav til utbytte frå dei statleg eigde selskapa.

  4. gerdbjorhovde

    Flott at du tar opp denne saka, Pål Julius! Leste om den i avisen i dag og ble helt sjokkert! Samme dag slås det opp at regjeringen bidrar til ny sjørute som bidrar til å få mye tungtransport over fra land til sjø – den som de kuttet for noen år siden. Her er det sannelig viktig å følge med — bra at du gjør det!

Eg vil gjerne høyre kva du tenkjer.