Categories
Kommunepolitikk

Kor skal kommunen lage maten?

Kvar skal kommunen lage mat? På Mortensnes eller skal vi leige det kjøkkenet ISS har brukt i Nova-bygget i Tromsdalen? Det blir nok det største spørsmålet i dette kommunestyret.

For meg er det i alle fall to omsyn som vi må tenkje på. Det eine er at vi må sikre at vi driv effektivt og med så låge kostnader som mogleg samstundes som kvaliteten skal vere god. Det andre omsynet vi må ta er at vi over tid ønsker at meir av matproduksjonen skal foregå på sjukeheimane, nærmare dei som skal spise maten. For det er ingen tvil om at ernærings er ein kjempeviktig del av helsa.

Så er det viktig å seie at saksførebuinga i denne saka ikkje har vore god. Vi har fått sakspapir som ikkje har vore godt nok gjennomarbeidd. Det tydelegaste dømet på dette er at i mai så meinte administrasjonen at det vil koste 2,7 millionar å ta i bruk kjøkkenet på Mortensnes. Så gjekk prisen opp til 27 millionar, og no har vi fått enno fleire alternativ på bordet. Vi får gå ut i frå at saka no er så grundig opplyst som det er mogleg å få til.

Det er no slik eg ser det tre alternativ i saka. Alle alternativa vil i følgje administrasjonen samla sett ha omtrent same kostnad.

  1. Bygge om og ta i bruk kjøkkenet på Mortensnes
  2. Ei mindre oppussing og ombygging på Mortensnes, men der vi og tar i bruk kjøkkena på Heracleum og Sydspissen
  3. Ta over leigekontrakten på Nova-bygget og halde fram med å produsere i det kjøkkenet ISS bruker no.

Eg trur valet står mellom alternativ to eller tre. Fordelen med å bruke fleire kjøkken er at vi kjem nærmare målet om å produsere maten på institusjonane. Det vil lukte mat fleire plassar og produksjonen vil vere nærmare brukarane. Fordelen med alternativ tre er at vi er heilt sikre på at det ikkje blir noko problem i overgangen mellom produksjonen til ISS og den kommunale overtakinga. Det er og heilt tvillaust at det då er snakk om verksemdovertakelse slik at dei tilsette er sikra jobb og dei rettane dei har til pensjon og liknande.

Min foreløpige konklusjon er at vi bør velje alternativ tre. Det handlar både om å sikre produksjonen og at vi då kan sjå matproduksjonen i samanheng med bygginga av Kvaløysletta Bo- og velferdssenter. Då kan vi der ta den store diskusjonen om vi skal bygge eit nytt sentralkjøkken eller om vi skal få meir av matproduksjonen ut til dei ulike institusjonane våre.

Skolestruktur

Kva prinsipp skal ligge til grunn for skolestrukturen i Tromsø? I denne saka vil vi ta val både om kor store skolar vi skal ha i framtida, men og kor små skolar vi skal tillate oss å ha. Dette er vanskelege val i spennet mellom effektivitet, læringsutbytte, sosiale nettverk og reisetid. Det er og ei sak der det ikkje finst veldig sikre svar. Vi kan spå om folketalsutviklinga framover. Men vi veit jo ikkje.

Eg er opptatt at vi skal ta vare på dei små distriktsskolane. Samstundes meiner eg det er ei grense for kor små skolane kan bli med tanke på vennskap og sosiale nettverk. Men her er det ingen absoluttar. Skolane er viktige for bygdene og det er og avgjerande kor lang reisetid det blir for ungane. Eg trur og det er viktig at foreldra og ungane får ei enno viktigare stemme inn i desse vanskelege diskusjonane.

Oppsummert kjem vi nok til å strekke oss langt for å behalde distriktsskolane, men samstundes må nok dei som bur i byen bu seg på at skolekretsgrensane kan bli endra for å sikre at vi ikkje har skolar med alt for mange elevar samstundes vi har byskolar med svært mykje ledig kapasitet.

Nordlyskvartalet

Eigarane av Nordlyskvartalet, altså det bygget som ligg nord for Rådhuset, har levert ein reguleringsplan som vi skal behandle i dette kommunestyremøtet. Det er mykje fint å seie om denne planen. Løysningane mot Rådhusparken og mot Vestregata synst eg er blitt fint. Men, og det er jo alltid ei men i desse sakene. Eg synst ikkje løysninga mot Grønnegata er akseptabel. Der vil dei ha 10 etasjar. Det blir høgare enn Rådhuset og det blir ein massiv vegg inn mot den viktigaste innfartsåra til byen.

Eg skjønner at utbyggarane vil utnytte tomta si i størst mogleg grad, men dette blir ikkje bra. Det blir skuggelegging av delar av nordbyen. I byutviklingsutvalet stemte SV for innstillinga frå administrasjonen om å seie nei til denne planen. Fleirtalet gjekk for å tillate å bygge åtte etasjar. Eg tenkjer det er rett å seie nei til denne planen

Du kan sjekke ut 3d-modelleringa av bygget på denne adressa: https://arcg.is/1118zO

Heile sakslista

Det er fleire andre saker i kommunestyret. Eg legg heile sakslista her, så får du heller spørje om du lurer på noko.

Categories
Kommunepolitikk

Alpinanlegg og U16 i kommunestyret

Valet er over og vi er tilbake i den trauste kommunepolitikken. Det er kommunesstyremøte i Tromsø 29. september. Her er ein liten gjennomgang av nokre av sakene. Still meg gjerne spørsmål om sakene så skal eg svare etter beste evne.

Ishavsbyen vidaregåande

Fylkeskommunen skal bygge ny/oppgradere Ishavsbyen vidaregåande skole i Breivika. Det er verkeleg bra. I all hovudsak er dette ein grei reguleringsplan, men det er eit par ting eg likevel stussar på. Det handlar i om krav til infrastruktur i tilknytting til ombygginga. I reguleringsplanen er gang- og sykkelvegen nedanfor skolen omregulert til sykkelveg med fortau. Det er ei stor forbetring for tryggleiken både til dei som går og dei som syklar. Imidlertid stiller planen berre krav til at den nordlegaste delen av gang- og sykkelvegen skal gjerast noko med. Den sørlege delen blir som før. Det er litt rart må eg få lov å seie. Det er heller ikkje stilt krav til opparbeiding til gang og sykkelveg frå toppen av Breiviklia og opp til universitetet sjølv om dette ligg inne i planen. Dette handlar sjølvsagt om kostnadane for fylkeskommunen, men eg er likevel i tvil om vi skal akseptere dette.

Kroken alpinanlegg

Eg er glad for at det ser ut til at vi får ein ny avtale med Kroken Aplpinanlegg som kan gje rom for oppgradering av anlegget og ei tydeleggjering av kva som er kommunen sitt ansvar og kva som er alpinanlegget sitt ansvar. Eg trur dette kan bli bra.

Implementering av U16

U16 har vore eit svært vellykka prosjekt i Tromsø kommune. Det har vore med på å redusere ungdomskriminaliteten og hjelp ungdom inn på rett spor. I denne saka går vi frå prosjekt til å få ei fast drift på U16. Det er viktig at slike vellykka prosjekt ikkje blir avslutta, men faktisk får konsekvensar for korleis vi driv kommunen.  

Piggdekkavgift

Denne saka er ganske enkelt ei oppretting av feil som vart begått sist. Dei som den gongen ikkje ønska å sette forskrifta i verk gjorde vedtak om det, men dei glømte å endre den delen av forskrifta som faktisk sa noko om iverksetting. Denne saka er ei oppretting av dette.

OK, det var ein rask gjennomgang av sakene. SV har gruppemøte på måndag, så kom gjerne med innspel, og helst før gruppemøtet.

Heile sakslista

  • Sak 0170/21 Implementering av U16
    • Innstilling:
      • 1. U16 bør videreføres som et permanent tjenestetilbud og forankres i ny enhet Fritid, seksjon for Kultur, fra 01.01.22.
      • 2. Utekontakten vurderes også innlemmet i samme enhet, for å samordne de oppsøkende og relasjonsbyggende tilbudene. Kommunedirektøren bes inkludere de aktuelle partene i et arbeid og komme tilbake til utvalget med avklaring januar 2022.
      • 3. Stillingsbehovet søkes innarbeidet i handlingsprogrammet 2022-2025 og er en forutsetning for at tiltaket kan iverksettes.
  • Sak 0171/21 Plan 1931 – Detaljregulering for Ishavsbyen videregående skole – Til endelig vedtak
    • Innstilling:
      • 1. Plan 1931 –Detaljreguleringsplan for Ishavsbyen VGS med plankart av 24.08.2021 og planbestemmelser av 07.09.2021, vedtas. Vedtaket er hjemlet i plan- og bygningsloven § 12-12.
      • 2. Myke trafikanter skal sikres gjennomgang gjennom planområdet, med naturlig påkobling til eksisterende stistruktur og forbindelseslinjer. Dette innarbeides og ivaretas i plankart og bestemmelser.
  • Sak 0172/21 Fremtidig drift av Kroken Alpinanlegg
    • Innstilling:
      • 1. Tromsø kommune inngår en 2 årig konsesjonskontrakt med Tromsø Alpinpark AS for å sikre videre drift av alpinanlegget i Kroken. Vedlagte konsesjonskontrakt godkjennes av kommunestyret
      • 2. Tromsø kommune inngår en opsjonsavtale med Tromsø Alpinpark AS om fremtidig kjøp av alpinanlegget i Kroken til markedspris. Vedlagte opsjonsavtale godkjennes av kommunestyret
      • 3. Tromsø kommune påtar seg til å dekke følgende kritiske investeringer i Kroken alpinanlegg i 2021:
        • – Utbedring av heiser for å sikre nødvendig konsesjon på heisanlegg pålydende kr: 3 506 176,-.
        • – Utbedring av lys i anlegget pålydende kr 100 000,-.
        • – Utbedring av kjøkken som følge av pålegg fra Mattilsynet pålydende kr 216 000,-.
      • Totale investeringer pålydende kr 3 821 176,- ekskl. mva. finansieres innenfor prosjektet: oppgradering kultur- og idrettsbygg som har en ramme på 10 millioner kroner i 2021.
  • Sak 0173/21 Søknad om deltakelse i lokaldemokratiprosjekt
    • Innstilling:
      • 1. Tromsø kommune søker om deltakelse i lokaldemokratiprosjektet.
      • 2. Tromsø kommune forplikter seg til kravene som stilles til kommuner for deltakelse av Kommunal- og moderniseringsdepartementet.
  • Sak 0174/21 Finansrapport per 31.08.2021
    • Innstilling:
      • Finansrapport per. 31.08.2021 tas til orientering.
  • Sak 0175/21 Forskrift om endring i lokal forskrift om innføring av gebyr for bruk av piggdekk – § 7 om ikrafttredelsesdato
    • Innstilling
      • Forskrift om endring i lokal forskrift om innføring av gebyr for bruk av piggdekk og tilleggsgebyr vedtas. Endringsforskriften endrer § 7 til: «Forskriften trer i kraft når kommunestyret bestemmer.»
  • Sak 0176/21 Plan 1920 Detaljregulering E8 Sørbotn – Laukslett – behandling av klager
    • Innstilling:
      • Klager frå Torhild Hauan eigedom 27/4, Evy Wilhelmsen eigedom 37/1, Tindtunnelen AS og Vegard Skogland over plan 1920 Detaljregulering E8 Sørbotn-Laukslett blir ikkje tatt til følgje.
      • For tidlegare framsette klager vert det synt til underinstansbehandling av desse i kommunestyret den 25.11.2020 kor klagene ikkje blei tatt til følgje. Avgjerda for desse vert oppretthalden.
      • Saka med samtlege klager blir oversendt til Statsforvaltaren i Troms og Finnmark for endeleg avgjerd, i samsvar med plan- og bygningslova (pbl.) § 1-9 og forvaltningslova (fvl.) § 33 fjerde ledd.
  • Sak 0177/21 Orientering om økonomiutvalgets reglement
    • Innstilling:
      • Reglement for økonomiutvalget tas til orientering.
  • Sak 0178/21 Opprettelse av interkommunalt politisk råd for Tromsøregionen
    • Innstilling:
      • Tromsø kommune slutter seg til avtalen om interkommunalt politisk råd.
  • Sak 0179/21 Meddommerutvalget 2021-2024 – Søknad om fritak og nyvalg
  • Sak 0180/21 Orientering til kommunestyret om endelige vedtak i hovedutvalgene september 2021
Categories
Kommunepolitikk

Piggdekk og bustader i vårens siste kommunestyremøte

Snart klart for siste kommunestyremøte før sommaren. Det er mange saker, men ikkje så veldig mange med tungt politisk innhald. Det er likevel nokre som mange vil vere interessert i.

Piggdekk

Piggdekkavgifta er ei sak som mange har meiningar om. Denne saka handlar om at vi i periodar har helsefarleg luft i Tromsø på grunn av svevestøv. Støvet har mange kjelder, men det minste støvet som er det helseskadelege kjem i all hovudsak frå slitasje på vegane våre på grunn av piggdekk. Noko kjem og frå vedfyring. Når vi veit at det er mange innbyggarar i Tromsø som lever i område med helsefarleg luft og at mange med luftvegsplagar må halde seg innandørs i periodar på grunn av svevestøvet så er det openbart at vi må gjere noko.

Så skjønner eg at mange kjenner seg tryggare med piggdekk i Tromsø, og at mange føler at det blir heilt feil å skulle betale ei avgift for å skulle sko bilen sin trygt. Så er det testar som viser at dersom dekka ikkje er heilt nye kan piggfrie vere like gode som piggdekk også på isføre. Men, det er mange som ikkje er samde i dette.

Uansett, det er eit val om å bruke ei avgift for å få fleire til å velje piggfrie dekke, eller å akseptere at delar av befolkninga får helseproblem.

Eg meiner det er rett å innføre piggdekkavgift. Helsa må vere det viktigaste.

Eg har skrive om denne saka før. Det kan du lese her.

Kommunale bustader i Tromsø

Eit av dei aller største velferdsproblema i Tromsø er at vi ikkje har nok bustader. Vi manglar omsorgsbustader og vi manglar vanlege kommunale utleigebustader. Det at vi ikkje har fått gjort noko med dette er ein av mine aller største frustrasjonar som politikar. Det er ekstra frustrerande at det ikkje er mangel på pengar som stoppar oss. I mange år har vi bevilga store summar kvart år til dette. Men likevel skjer det ikkje noko særleg. Det er eit eller anna i organiseringa i kommunen som gjer at vi ikkje får gjennomført dette i det tempoet vi vil. Det er for mange avdelingar involvert og dei har ikkje snakka godt nok saman.

Administrasjonen har lagt fram ei sak om korleis vi kan løyse dette og få meir gjennomføringskraft. Eg er dessverre ikkje overtydd om at forslaget går langt nok og faktisk vil løyse problemet. Dette er den fjerde utgreiinga om dette problemet, og dei tidlegare utgreiingane har ikkje ført til endring eller at problemet er blitt løyst.

Eg trur vi må vurdere sterkt å gå lenger enn det administrasjonen foreslår. Eg er enno ikkje heilt sikker på kva som er den beste løysninga. Men eg trur det er to hovudalternativ. Det eine alternativet er å legge alt med bustad inn i ei avdeling med ein leiar på topp som sit i kommunedirektøren si leiargruppe. Det andre alternativet er å legge det ut i eit kommunalt foretak. Det vil kunne sikre at husleigeinntektane faktisk blir brukt til vedlikehald og vi får ein organisasjon som er dedikert til formålet.

Eg har enno ikkje heilt konkludert, men heller mot at Kommunalt Foretak er den beste måten å få organisert dette på.

Reknneskapen og årsmeldinga

Rekneskapen til Tromsø kommune viser at det gjekk betre økonomisk i 2020 enn i 2019. I 2020 hadde vi eit netto driftsresultat på 113,2 millionar. Det betyr at vi kan dekke heile underskottet frå 2019 og framleis ha nokre kroner til overs. Det betyr på ingen måte at vi er over den økonomiske kneika i Tromsø kommune, men det må vere lov å håpe at vi er på rett veg.

Sjukefråveret er framleis ei utfordring i Tromsø kommune. Vi har ikkje nådd målet om reduksjon i sjukefråveret. Det er i all hovudsak det legemeldte langtidsfråveret som går opp.

I løpet av 2020 vart det 190 færre årsverk i kommunen. Det gjev seg sjølvsagt utslag på rekneskapen. Men å redusere talet på folk er ikkje ei langsiktig løysning. Kommunen har viktige oppgåver å utføre og til det trengst det sjølvsagt folk.

I Tromsø kommune var gjennomsnittsløna i 2020 på 498 760 kroner. Snittet for kvinner var 495 559,- kroner medan det for menn var 506 814 kroner. Gjennomsnittleg stillingsprosent for kvinner i kommunen er 86,7% medan det for menn er 89,6%. Tromsø kommune er ganske god til å sike heile stillingar, men det kan enno bli betre. Vi har og eit likelønsproblem som vi må løyse.

Alle andre saker

Ok, dette er langt nok. Eg er lei av å skrive og du er sikkert lei av å lese. Under finn du lista over alle sakene som skal opp. Kom gjerne med spørsmål eller innspel til sakene. Så skal eg prøve å svare etter beste evne. Vi har gruppemøte på måndags kveld. Då avgjer vi korleis SV skal røyste i sakene.

Categories
Kommunepolitikk Politikk Video

Lang liste over saker i kommunestyremøtet 28. april

Kanskje synst du eg burde skrive meir om andre ting enn kommunestyret i Tromsø på denne bloggen? Eg er i så fall litt samd med deg i det, men det er no Tromsø og tromsøpolitikken eg er mest opptatt av, så då blir det jo slik. Uansett er det klart for eit nytt kommunestyremøte.

Det førre kommunestyremøtet vart avlyst pga av coronasituasjonen så mange av sakene som skal opp denne gongen har eg omtalt i eit tidlegare innlegg som du finn her. Men nok innleiing la oss gå over til sakene som skal opp. Du finn forresten heile sakslista og lenke til saksframlegga nedst i dette innlegget.

Atomubåtar

Eg tenkjer at den største faren knytt til anløp av atomubåtar er terror av ulikt slag, men vi veit og at vedlikehald er forbunden med større risiko. Det som uansett er heilt sikkert er at kommunen ikkje er klar til å handtere eit uhell, ulykke eller anna hending med eit reaktordrevet fartøy. Det har kommunedirektøren bekrefta både overfor formannskapet og i media. Eg meiner derfor det er fullstendig uforsvarleg av forsvaret å tillate anløp av reaktordrivne fartøy før det som eit absolutt minimum er på plass.

I tillegg meiner eg at det er feil å tru at anløp av reaktordrivne fartøy i Tromsø aukar norsk tryggleik. Tvert i mot meiner eg at det fører til auka spenning mellom Russland og NATO. Eg trur på ingen måte at vi står ved inngangen til ein krig, men auka spenning aukar og faren for uhell. Det må vi ta med oss.

Eg tenkjer kommunestyret i denne saka bør som eit minimum gjere to ting. Det første er at vi må få ei avklaring frå justisdepartementet på hamneloven. I hamneloven §27 loven står det: «Plikten [til å ta mot fartøy] gjelder ikke dersom mottak av fartøyet kan innebære en risiko for miljøet eller for sikkerheten.»

Ei naturleg lesing av dette må jo vere at kommunen gjennom Tromsø Havn kan nekte å at mot reaktordrivne fartøy. Dessverre er ikkje Samferdselsdepartementet som fagdepartement samd i dette. Det må derfor avklarast av lovavdelinga i Justis.

Det andre er at det uansett må vere uaktuelt å motta reaktordrivne fartøy til Grøtsund før beredskapsplanverket er behandla i kommunestyret og vi er sikre på at vi er rusta for eit uhell. Det er vi ikkje no. Den nøyaktige ordlyden i det vi bør vedta må vi diskutere fram mot kommunestyremøtet.

Her kan du laste ned den usladda versjonen av forsvarets ROS-analyse.

Fastlegeordninga i Tromsø

 Vi har store utfordringar med fastlegeordninga i Tromsø. Vi slit med å rekruttere folk, vi slit med å få nok legar til legevakta og arbeidsbelastninga for mange fastlegar er så høg at det er problematisk. Administrasjonen skriv i sitt saksframlegg:

Det er en samlet oppfatning fra både fastlegene og kommunen at dersom ikke tiltak iverksettes raskt, vil det være stor risiko for at fastleger sier opp sine avtaler. Det vil også skape store utfordringer med å få besatt hjemler eller skaffe vikarer, og vil føre til at fastlegetjenesten og den akuttmedisinske beredskap v/Legevakten ikke klarer å opprettholde forsvarlig tilbud for Tromsø kommunes befolkning innen utgangen av 2021.

Konsekvensane dersom vi skulle velje å ikkje gjere noko er ganske alvorlege. Igjen for å sitere saksframlegget:

Dersom kommunen velger å ikke gjennomføre tiltak rettet mot fastlegene nå, vil situasjonen forverres ytterligere allerede i 2021. Det vil føre til ytterligere rekrutteringssvikt, og flukt fra fastlegestillinger med ubesatte hjemler som konsekvens. Det er sannsynlig at flere fastleger kommer til å bli sykemeldte eller slutte, og det vil bli enda vanskeligere å rekruttere eller skaffe vikarer. Legevakta har allerede ukentlige problemer med å få dekt vaktene. Disse utfordringene vil bli enda hyppigere og det er sannsynlig at det vil resultere i at det vil være dager uten lege på legevakt/akuttmedisinsk beredskap. Kommunen vil fremover i større grad måtte leie inn fra vikarbyråer, hvilket også er vanskelig, betydelig dyrere og kan medføre en tjeneste med dårligere kvalitet. Kommunen vil ikke lykkes med satsningen på tidlig innsats, selvstendighet og egenmestring.

På denne bakgrunnen har administrasjonen lagt fram forslag på fem tiltakspakker for å avhjelpe situasjonen. Tiltaka går på mange ting, men det viktigaste er kanskje rekruttering av fleire fastlegar  og dermed lågare arbeidsbelastning samt tilskott for å behalde dei eksisterande legane. Samla kostar dette kommunen ca 100 millionar fordelt på fire år.

Det er mykje pengar i den situasjonen kommunen er. Det er og problematisk at kommunen må inn å subsidiere det som i utgangspunktet er ei statleg ordning. I dag må over 80% av kommunane inn med ulike ordningar for å sikre tilgang på fastlegar. Det betyr og at det blir ein slags konkurranse mellom kommunane, noko som aukar kostnaden for alle.

Uansett, eg trur ikkje vi har noko val, men vil gå inn for denne ordninga.

Mange private forslag

Det er heile seks private forslag i dette kommunestyremøtet. Tre av dei skulle eigentleg opp førre gong. Det er eitt forslag frå Arbeidarpartiet om hendinga på Utøya og regjeringskvartalet den 22. juli. Dei foreslår mellom anna ein minnestad i Tromsø og at 22. juli-hendinga må inn i skolane i samband med fagfornyinga som foregår. Eg synst det er gode forslag og vil støtet dei. Terrorhendingane den 22. juli var eit høgreekstremt angrep på den norske staten og på Arbeidarpartiet og ei av dei mest alvorlege hendingane i Noreg etter krigen. Det må vi minnast og ta på alvor. Det kan skje igjen om vi ikkje er på vakt.

Barbara Vögele i MdG foreslår eit forsøk med å gjere Skippergata bilfri i sommarferien. Eg liker dette forslaget. Eg har lenge tenkt at det hadde vore fantastisk å kunne redusere til to felt gjennom Skippergata og kunne utvide Jaklins plass og få litt meir liv i det som er ei ganske fin gate. Eg tenkjer at det aller meste av den trafikken som i dag går gjennom Skippergata anten kan gå inn i tunellen i Hansjordnesbukta eller opp Elevgata også over Storgatbakken.

Jarle Heitmann i Ap har eit forslag som heiter: «Tiltak mot hat og trusler rettet mot folkevalgte» Forslaget viser til at 4 av 10 folkevalde har blitt utsatt for hatfulle ytringar eller truslar. Dette er ei utforsdring for demokratiet. Vi veit og at kvinner i større grad blir utsatt for slike ting. Det er eit problem for å sikre at alle kan delta i lokalpolitikken.

Trollvassbu

Dokker har heilt sikkert sett diskusjonen om Trollvassbu i media. Eg skal ikkje ta stilling til kven som har rett av Turlaget og grunneigaren i saka som er for retten no. Men eg meiner at Trollvassbu er  viktig for folk i Tromsø og vi må sørge for at bua framleis skal vere tilgjengeleg. Derfor meiner eg at kommunen må inn å ekspropriere tomta slik at den vil vere tilgjengeleg for skolar og alle andre.

Fleire saker

Det er fleire andre ganske store saker i kommunestyremøtet. Men denne bloggposten er blitt lang nok. Lurer du på noko eller har innspel til saken eg har sagt noko om eller dei andre kom med dei.

Heile sakslista til kommunestyremøtet

Categories
Kommunepolitikk Politikk

Skytebane i kommunestyret 3. mars

Videoversjonen om du heller vil sjå enn lese

Eg trur at skytebane og plassering av den blir det store temaet i dette kommunestyremøtet. For skal eg vere heilt ærleg – og det skal eg jo mesteparten av tida – så ser det elles ut til å bli eit ganske greitt møte.

Skytebane i Simavika

Sidan 1973 har Tromsø kommune prøvd å finne ein plass til ein skytebane. Ein skulle tru det ville vore ganske enkelt i ein kommune med over 2500 kvadratkilometer å ta av. Det er det ikkje. Fleire titals plasseringar er greidd ut og forkasta. Det er konfliktar med bustader på grunn av støy, det er miljøvern, det er rasfare, det er reintrekk , det er sauebeite, det er kostnad, det skal vere trygt osb. Vi har no fått ein rapport som seier at det kan vere mogleg å få til ein skytebane i Simavika, sjølv om det er store utfordringar der og.

Det er rundt 8000 skyttarar og jegerar som treng ein plass å trene og å øve i Tromsø. Skyting er ein stor sport og treng anlegg på lik linje med andre idrettar, og jegerar treng å trene for at vi i størst mogleg grad skal unngå skadeskyting av vilt. I tillegg til dette treng både heimevern og politi ein treningsarena. Samstundes er Heimevernet tydeleg på at Simavika ikkje er ei god løysning i beredskapssamanheng på grunn av tunellen til Ringvassøya.

I dag har vi ein skytebane med 100 metersbane i Kjoselvdalen. Der er det store konfliktar med lokalbefolkninga på grunn av støy frå skytinga. Det er viktig å ha i bakhovudet, for finn vi ikkje ein alternativ plass til skyting vil det halde fram i Kjoselvdalen. Det er ikkje slik at ved å seie nei til ei ny plassering så stoppar skytinga.

Rapporten vi har fått til dette kommunestyret seier at det kan vere mogleg å etablere ein skytebane i Simavika. Men det er ikkje uproblematisk og mykje som framleis er uklårt. Det er fire ganske store og viktige spørsmål som vi må finne ut av:

  1. Økonomien. Kven skal eventuelt betale for regulerings og utgreiingsarbeidet, for ikkje å snakke om bygginga av sjølve banen?
  2. Sikring av vasskjeldene i Simavikdalen. Vi må vere heilt sikre på at vasskvaliteten ikkje blir påverka og at dei dammane vi har der er trygge for dei som skal vere i dalen.
  3. Reindriftsnæringa. Reindrifta er pressa på heile Kvaløya. Vi må løyse utfordringar med trekkveg og beite for reindrifta.
  4. Sauebeite. Området er beite for i alle fall eit sauebruk. Er det mogleg å få til sameksistens mellom ein skytebane og beite?

Eg trur det er mogleg å få det til i Simavika, men det er mykje som må løysast. Vi må og vere sikre på at å løyse dette ikkje vil koste kommunen mykje pengar.

Sommarskoletilbod?

Høgres Erlend Svardal Bøe har levert eit privat forslag om at kommunen skal opprette eit sommarskoletilbod. Eg synst det kan vere ein god ide, men det er fleire usikre ting med dette. For det første har kommunen allereie ein del fritidstilbod om sommaren. Kanskje er det betre å bygge på det vi har heller enn å lage noko nytt? Det andre er at tromsøskolen er hardt press på økonomi som det er. Eit nytt tilbod som vil ta ressursar frå den vanlege skolen meiner eg blir ei feil prioritering.

Men regjeringa har innført ei tilskotsordning for sommarskoletilbod. Dersom vi kan fullfinansiere dette tilbodet med pengar frå andre så må vi sjølvsagt peise på.

 Årsmeldingstid

På denne tida av året er det sjølvsagt årsmeldingar. Det er fint å sjå litt tilbake på året som har gått. I dette møtet skal vi handsame årsmeldinga frå Eldrerådet og frå Inkluderingsutvalet. Begge meldingane vitnar om god aktivitet og at desse utvala gjer jobben sin på ein god måte. Takk til leiar i Eldrerådet, Oddny Aleksandersen og leiar i Inkluderingsutvalet Abdalla Ali Muhammed for godt arbeid. Forøvrig legg vi merke til at Eldrerådet kritiserer at dei ikkje får eller kjem for seint inn i sakene.

110-sentralen

110-sentralen er eit samarbeid mellom alle kommunane i Troms politidistrikt. I dag driv Tromsø kommune gjennom Tromsø Brann og Redning denne på vegne av alle kommunane. Alle betaler inn til drifta i samsvar med folketal. Spørsmålet er om dette er organisert på ein optimal måte? Det kan vere gode grunnar til å skilje økonomien i 110-sentralen frå økonomien til Tromsø brann og redning. I denne saka har kommunedirektøren laga eit godt notat om organisasjonsmodell og ber om fullmakt til å utgreie saka nærmare. Vi får saka opp igjen i juni etter planen.

Heile sakslista med innstilling til vedtak

Her er heile sakslista så langt. Det kan kanskje enno komme tilleggsaker, interpellasjonar og liknande. Innstillinga er forslag til vedtak frå formannskap, hovudutval eller kontrollutval. Kommunestyret står fritt til å vedta andre ting.

16/21    Gjennomgang – vurdering av berørte tema knyttet til etablering av et sentralt skytebaneanlegg i Simavika

Kommune- og byutviklingsutvalgets innstillende vedtak

Kommunestyret tar redegjørelse om skytebaneanlegg i Simavika til orientering

17/21    Privat forslag – Sommerskoletilbud for barn og unge i Tromsø

Formannskapets innstillende vedtak

  1. Forslaget fyller vilkårene for behandling.
  2. Kommunestyret ber kommunedirektøren om å utrede opprettelse av et sommerskoletilbud for barn og unge i Tromsø etter modell fra Oslo. Utredningen legges frem for kommunestyret innen april, slik at det er mulig å få på plass et tilbud allerede til sommeren.
  3. Kommunestyret ber kommunedirektøren om å raskest mulig gå i dialog med utdanningsmyndighetene for å få finansiering til opprettelsen av et sommerskoletilbud for barn og unge fra midlene som er satt av i den nye krisepakken for å håndtere koronakrisen (Prop. 79 S 2020–2021).

18/21    Kontrollutvalgssak 03/21 – Forvaltningsrevisjonsrapport – Gjennomføring av investeringsprosjekt Tromsøbadet

Kontrollutvalgets innstillende vedtak

  1. Kommunestyret viser til funn og konklusjoner i forvaltningsrevisjonsrapporten «Gjennomføring av investeringsprosjektet Tromsøbadet».
  2. Kommunestyret ber kommunedirektøren gi kontrollutvalget en skriftlig redegjørelse om følgende forhold:
    1. Har kommunedirektøren gjennomført egen evaluering av prosjekt Tromsøbadet, og har dette medført endringer i rutiner eller annet relevant planverk for investeringsprosjekter?
    1. Hvilke læringspunkter har kommunedirektøren identifisert ut i fra begge forvaltningsrevisjonsrapporter om Tromsøbadet, og hvordan er dette tenkt fulgt opp i det videre arbeid med investeringsprosjekter.
    1. Hvilke tiltak er eller vil bli iverksatt for å oppfylle revisjonens anbefaling i rapporten om å
      1. Sikre tilstrekkelige interne ressurser i prosjektorganisasjonen i investeringsprosjekter
      1. Sikre brukermedvirkning i alle faser av investeringsprosjekter
  3. Svarfrist settes til 1. juni 2021.

19/21    Kontrollutvalgssak 07/21 – Oppfølgning av forvaltningsrevisjon om internkontroll og ressursbruk i barnevern

Kontrollutvalgets innstillende vedtak

  1. Kommunestyret finner kommunedirektøren svar av 15.12.2020 som tilfredsstillende oppfølgning av kommunestyrets vedtak i sak 57/20.
  2. Kommunestyret legger til grunn at tiltak og planer som fremkommer av ovennevnte redegjørelse fullføres- og legges til grunn i det videre arbeid med styrking av internkontroll i barnevernstjenesten.
  3. Kontrollutvalget ber kommunedirektøren melde tilbake til kontrollutvalget om status for planlagte tiltak innen utgangen av 2021.

20/21    Kontrollutvalgssak 12/21 – Kontrollutvalgets årsrapport for 2020

Kontrollutvalgets innstillende vedtak

Kontrollutvalgets årsrapport for 2020 tas til orientering.

21/21    Eldrerådets årsmelding 2020

Formannskapets innstillende vedtak

Eldrerådets årsmelding for 2020 tas til orientering.

22/21    Årsmelding 2020 for integreringsutvalget – Tromsø kommune

Formannskapets innstillende vedtak

Årsmelding 2020 for Tromsø kommunes integreringsutvalg tas til orientering.

23/21    Kommunedirektørens notat etter behandling av sak 174/20 – Opprettelse av 110-sentralen som kommunalt foretak

Formannskapets innstillende vedtak

  1. Kommunedirektørens merknader til fremtidig organisering av 110-sentralen tas til etterretning.
  2. Kommunedirektøren gis myndighet til å utrede nærmere 110-sentralen som enten kommunalt foretak (KF), interkommunalt selskap (IKS) eller interkommunalt samarbeid etter kommuneloven. Forslag til ny organisering av 110-sentralen fremlegges kommunestyret innen juni 2021.

24/21    Meddommerutvalget 2021-2024 – Søknad om fritak og nyvalg

Formannskapets innstillende vedtak

Arulmathy Ranjit innvilges fritak fra verv som meddommer i Nord-Troms tingrett.

Som ny meddommer i Nord-Troms tingrett velges:
– Nina Haugen, Jervvegen 124, 9017 Tromsø

Fredrik Aunegård innvilges fritak fra verv som meddommer i Hålogaland lagmannsrett.

Som ny meddommer i Hålogland lagmannsrett velges:
– Jim-Cato Johnsen, Solstrandvegen 166 E, 9020 Tromsdalen

25/21    Refinansiering av kommunegarantert lån – Kattfjord Sportsklubb

Formannskapets innstillende vedtak

Tromsø kommune aksepterer at det foretas følgende endringer i kommunestyrets garantivedtak av 22.06.2017, k-sak 195/17, ovenfor Kattfjord Sportsklubb:

Punkt 3: «Det forutsettes at långiver etablerer 1 pr. pant i Kattfjord Sportsklubb sine anleggsmidler» oppheves.

26/21    Refinansiering av lån – Tromsø Sosiale Entreprenørskap AS

Formannskapets innstillende vedtak

  1. Tromsø kommune aksepterer at det foretas følgende endringer i kommunestyrets garantivedtak av 30.05.2018, k-sak 109/18, ovenfor Tromsø Sosiale Entreprenørskap AS:
    1. Det aksepteres debitorskifte ved at Bårstua AS har skiftet navn til Tromsø Sosiale Entreprenørskap AS.
    1. Punkt 3: «Det forutsettes at långiver etablerer pant i Bårstua AS sine anleggsmidler» oppheves.
    1. Punkt 9: «Det forutsettes at långiver etablerer pant i Bårstua AS sine anleggsmidler» oppheves.
  2. Det forutsettes at Statsforvaltningen i Troms og Finnmark aksepterer endrede garantivilkår knyttet til kommunal garantistillelse ovenfor Tromsø Sosiale Entreprenørskap AS.

27/21    Omorganisering av Ishavskysten friluftsråd, til Kommunalt oppgavefellesskap, etter ny kommunelov.

Kultur, idretts- og friluftsutvalgets innstillende vedtak

Troms kommune gir sin tilslutning til at Ishavskysten friluftsråd omorganiseres til kommunalt oppgavefellesskap etter ny kommunelov kapittel 19.

Tromsø kommune vedtar forslag til ny samarbeidsavtale for Ishavskysten friluftsråd.