Categories
SV Troms og Tromsø

Stolt og glad over å bli foreslått på andreplass

Mandag la nominasjonskomiteen fram sitt første forslag til SVs kommunevalliste for Tromsø SV ved kommunevalet i 2015. Lista blir endeleg avgjort den 24. januar. Eg er veldig stolt og glad for å bli foreslått på andreplass på Tromsø SV si liste. Eg gler meg til å gå ut i valkampen og kjempe for skolane i Tromsø,for eit betre miljø og å legge til rette for eit kreativt og verdiskapande næringsliv.

Ingrid Kielland er foreslått som toppkandidat for Tromsø SV. Det trur eg blir bra.
Ingrid Kielland er foreslått som toppkandidat for Tromsø SV. Det trur eg blir bra.

Sist mangla SV 35 stemmar på at eg skulle komme inn i kommunestyret. Grunnen til det var at ho som no er foreslått på førsteplass, Ingrid Marie Kielland fekk fleire personstemmar enn meg. Og, eg skjønnar veljarane godt. Ho er dyktig, grundig og gjev seg aldri. Det treng både byen, kommuen og SV. Det er ikkje utan grunn at ho har kalla bloggen sin for Tromsødama. Med ho som ordførar ville Tromsø få ein ordførar som er meir interessert i politikk  og og byutvikling enn snorklipping.  Her skriv ho godt om sin visjon for Tromsø. Ho blir ein glitrande førstekandidat for SV.

Sist val vart eg som sagt forbigått av ho som stod på tredjeplass når veljarane hadde sagt sist. Eg er «redd» det kjem til å skje denne gongen og. Gunhild Johansen er godt kjent i byen, ein politisk tungvektar med eit vell av erfaring og ei ro når det stormar som gjev tryggleik til andre. Eg er utruleg glad for at ho er med vidare.

Dette er eit fantastisk selskap å vere i, og eit godt lag for Tromsø og SV!

Så, eg er ganske sikker på at SV har potensiale til å gjere eit godt val i Tromsø. Eg trur vi kan få både fire og fem mandat. Målingane tyder i alle fall på framgang.

Eg er i alle fall avhengig av at vi gjer det betre enn sist, for å konkurrere med Ingrid Kielland og Gunhild Johansen om personstemmane blir vanskeleg.

 

Categories
Politikk SV

Lykkeleg av eit TV-program

Det er sjeldan at eg blir glad av eit TV-program. Det vart eg av dagens program om sekstimarsdagen. Eg blir glad av tal som fortel at vi faktisk kan velje om vi vil jobbe som no og auke forbruket vårt tre gonger eller redusere arbeidstida, betale meir skatt og likevel fordoble forbruket vårt.

For meg er valet enkelt. Eg vil heller ha kortare arbeidstid enn uforskamma mykje meir pengar. Eg er og glad for å vere med i eit parti som har tatt tydeleg standpunkt for sekstimarsdagen. I arbeidsprogrammet står det:

SV mener det er tid for å ta ut noe av velstandsutviklingen i kortere arbeidstid. Det vil gi økt fritid for den enkelte, og bidra til at flere kommer i arbeid. Fagbevegelsen har fått gjennomslag for kortere arbeidstid. Det er et politisk ansvar å følge opp disse seirene for å bane vei for nye milepæler. SV går derfor inn for å lovfeste en arbeidsuke på 37,5 timer. SV går inn for nye forsøksordninger med redusert arbeidstid. SVs mål er seks timers normalarbeidsdag.

Bli med på laget då vel!

Categories
Hangouts Politikk SV

Hangout om framtida og fortida til SV

Direktesendinga er over, men du kan sjå opptaket nedafor

I kveld klokka 2130 kan du sjå og delta i ein hangout on air med meg og Torgeir Knag Fylkesnes. Vi skal diskutere korfor det gjekk så galt med SV i valet og korleis framtida til partiet ser ut. Du er hjateleg velkomen. Du kan naten følgje hangouten her på bloggen, eller bli med på Google+, her. Kom gjerne med kommentarar før og undervegs, vi er og opne for å ta med folk inn i sjølve livesendinga om du skulle ønskle det.

Eg har tidlegare skrive litt om analyserapporten og korfor det gjekk galt med SV her.

Categories
Politikk Sosialisme SV Val

Korfor gjekk det så galt i for SV ved valet?

Eg trur det er to hovudgrunnar og ein drøss med tilleggsgrunnar. Eg trur dei to hovudgrunnane er at det har vore alt for lite debatt og politikkutvikling i partiet, og delvis som ein følgje av det første, vi har hatt ein for lite samhandling i organisasjonen.

Eg har vore så “heldig” å få vere med i den gruppa som fekk i oppdrag frå sentralstyret i SV å analysere katastrofen. Det har vore eit interessant arbeid, og du kan lese heile rapporten vår her. Gruppa har bestått av Stein Ørnhøi, Steinar Nørstebø, Line Gaare Paulsen, Ola Elvevold, Sanja Pasovic, Pål Julius Skogholt, Andreas Halse og Vibeke Johnsen. VG skriv om raporten vår her.

I den rapporten skriv vi nokre ting som eg vil framheve:

For mykje av energien i SV vart nytta til å handtere dei debattane som dukka opp kvar einskild dag, og for lite av dei samla ressursane i partiet vart sett inn for å utvikle politikk for morgondagen. Resultatet var at vi mangla nok konkrete og tydelege nye politiske framlegg å presentere for veljarane ved valet i 2013.

Dette trur eg er heilt sentralt for å forstå korfor det gjekk så galt. Debattane i partiet har handla om det vi har gjort i regjering, og i alt for liten grad om kva vi skulle i regjering å gjere. Partiet vart fokusert på notid og fortid og for lite på framtida. I tillegg må vi innsjå at det har vore ein mangel på gode debattarenaer i partiet. Mange, kanskje dei fleste lokallaga er for små til å drive fram slike debatter som vi treng, andre har noko vore for forsiktige. Med unnatak for ei debattliste på epost har vi heller ikkje hatt ein debattarena som er tilgjengeleg for heile partiet. Det er eit stort sakn som vi må få gjort noko med.

I rapporten skriv vi:

Partiorganisasjonen vart ikkje nok involvert i politikkutviklinga og i dei strategiske diskusjonane, avstanden mellom regjeringsapparatet og fylkes-og lokallaga vart for stor. Den disiplineringa av partiet som skjedde i første del av regjeringsdeltakinga, førte nok og til at lokallag og fylkeslag i for liten grad løfta fram nye saker og utfordra regjeringa sin politikk seinare i regjeringsperioden. Fleire har og opplevd at det har vore få arena for debatt i partiet der slike ting kunne drøftast.

Eg trur og at vi lulla oss inn i ei forståing av makt som er feil. Vi trudde vi hadde makt fordi vi sat i regjering, medan realiteten er at vi var i regjering fordi vi hadde makt.

Vi skriv:

Likevel har regjeringsdeltakinga i aukande grad vore prega av dei små, men likevel viktige sigrane. Våre største politiske sigre td ingen utstasjonering av atomvåpen, folkerøystingane om EU, barnehagereforma og oljefritt LoVeSe er vunne med kombinasjonen av folkeleg mobilisering og parlamentarisk arbeid utanfor og i regjering. SV må finne svara på korleis partiet kan søkje makt også gjennom regjeringsdeltaking utan å miste truverde og folkeleg støtte.

Eg trur at løysninga for å løfte SV opp til åtte til 10 prosent ved neste stortingsval går gjennom at vi klarer å ha meiningsfylte og utviklande politiske debattar i partiet. Det er berre slik vi kan utvikle ein sosialistisk politikk som folk kjenner seg igjen i. Eg trur noko av det aller viktigaste er å sjå korleis dei styringssystema vi har i det offentlege verkar disiplinerande og er med på å redusere fagfolka si rolle i det offentlege verksemda.

Eg trur og at det er viktig at vi snakkar om mykje meir enn skole og miljø. Vi må snakke meir om arbeidsliv, arbeidsplassar (også i det private) og økonomi. Det er ganske rart at kapitalismen har vore gjennom/er i ei stor krise samstundes som ikkje diskuterer det.

Eg trur eg vil avslutte med nok eit sitat:

Analysegruppa meiner at det er strategiske val gjennom lang tid som har ført partiet dit vi er i dag, og det er berre SV sjølv som sit med nøkkelen til å reise til SV i folket. Rekordmange veljarar har valt bort SV dei siste vala, det er alvorleg for partiet. Situasjon til partiet gjer det naudsynt å halde fram den politisk nyorienteringa av SV-prosjektet, -strategien og –profilen. Situasjonen i verda krev djerve visjonar kopla med gode, konkrete løysingar lokalt, nasjonalt og internasjonalt. Dette arbeidet gler vi oss til å vere med på.

Eg håper du vil komme med dine kommentarar og kanskje hjelpe til med å finne vegen vidare for SV.

Categories
Hangouts Politikk SV Troms og Tromsø

Stortinget til folket – møter med Torgeir Knag Fylkesnes

I eit forsøk på å gjere stortingsrepresentanten vår meir tilgjengeleg har vi bestemt oss for å prøve nokre nye ting. Ein av dei tinga vi vil prøve er Hangouts on Air. Det kan vere ein fin måte for lokallag og folk som er interessert å få Torgeir Knag Fylkesnes, SV i Troms i tale. Eg trur det er kjempeviktig at vi unngår at stortingsrepresentantane våre ikkje grev seg ned i papirbunkane, men er tilgjengelege for folk. Det viktigaste er sjølvsagt å reie og delta på alle typer arrangement, å besøke bedriftar og institusjonar. Eg trur likevel vi kan ha mykje å tene på å bruke meir teknologiske variantar og.

Under er eit eksempel som vart laga i dag, men med berre to deltakarar. Vi kjem til å gjere forsøk med fleire deltakarar, og gjere kjent på førehand når desse hangoutane er så folk kan delta og sende inn spørsmål. Vi er framleis på forsøksstadiet for å finne ut om dette er eit eigna verkty. Fortel gjerne kva du synst om ideen i kommentarfeltet under her.